Bulimia

Bulimia (Bulimia nerbosa) jate nahaste bat da, ase-ezineko janaldi handiak egin eta ondoren errua, depresioa eta lotsa eragiten dituena. Gaixotasun hau 19 urte inguruan ematen da, batez ere. Gaixoak, gatazkatsuak, oldartsuak eta intoleranteak izaten dira, presio sozialen, etxeko lanen eta ... aurrean.


Pertsona hauek, ezin dituzte jatera behartzen dituzten inpultsoak kontrolatu, baina errudun sentitzearen eta lotsaren ondorioz oka egitera edo laxanteak hartzera behartzen dituzte edo baita ez jatera ere. Bulimikoek astean hamabost aldiz edukitzen dituzte betekadak eta okaldiak. Eduki energetiko handiko janari asko goseak baleude bezala irensten dute eta betekadaren ondoren oka egiten dute edota laxanteak erabiltzen dituzte, sabela usteko eta jaten jarraitzeko. Betekada bakoitzean 10.000 eta 40.000 kaloria kontsumitzera iritsi daitezke.

Izena grezieratik dator: βουλῑμια, boulīmia, "aseezinezko gosea" (βους, bous, "idi" + λῑμος, līmos, "gose").

Gaixotasun honen ondorio larriena heriotza da baina hala ere tratamendu luze batekin sendatzera iritsi daiteke.

Informazio-iturria:
http://eu.wikipedia.org/wiki/Bulimia

Anorexia Nerbiosa

Anorexia gaixotasun mentala da, elikaduraren nahastean oinarritua, pisu jaitsiera eragiten duena eta heriotza eragin dezakeena.

Batez ere 11-25 urte bitartean ematen da gaixotasun hau. Orokorrean nesken artean ematen da, batez ere bere itsura fisikoak gehiago kezkatzen dituelako.
Gaixotasun hau pairatzen dutenak, oso gizen ikusten dira nahiz eta oso argalak izan. Pisua ez hartzeko edo eta galtzeko obsesioak jatorduak murriztera bultzatzen du edo kopuru txikietan jatera eta ondorioz gaixotu egiten dira.

Anorexia gora-behera askoren ondorioz sortzen da: familia, kultura, gizartea, publizitateak eta komunikabideek sortutako irudiak, erlazio baten bukaerak, ikasketengatik familia uztea, estresa, depresioa...

Gehienetan emakumezkoak dira kaltetuak (gizonezkoak %10 besterik ez dira). Pertsona hauek honako ezaugarri hauek dituzte orokorrean; pertsona perfekzionista, obsesiboa, menpekoa eta manaerraza izaten da. Normalean bere ikasketetan bikaina da, baina bere autoestimoa txikia da. Ez dute beren bizitza menperatzen eta beren gosea modu obsesiboan kontrolatzen hasten dira.

Informazio iturria:
http://eu.wikipedia.org/wiki/Anorexia

Ongi etorri!

Kaixo guztioi!

Ander Goikoetxea naiz, EHU unibertsitateko medikuntzako ikasle bat, eta elikadura arazoei buruzko blog hau sortu dut informatika irakasgaian.

Gai honen aukeraketa-arrazoia izan da, oso gai interesgarria eta sakona iruditzen zaidala. Gainera, gero eta ugariagoak izan arren asaldura hauek, oraindik ez dira beren osotasunean ezagutzen eta ez dago sendabide zehatz bat, soilik tratamendua . Horregatik, nire asmoa da erabat hobeto ezagutzea eta informazio landua aurkeztea.

Beste barik, espero dut interesgarria iruditzea. Esan bezala, ongi etorriak zarete!

Eskerrik asko